IN MY DROME

⇦ TERUG

IN MY DROME

Leo Musiek (c) 2009

Cheree

Na 3 jaar se wag, ‘n SAMA nominasie en verskeie ander toekennings vir haar treffer album, Country Girl, is die 30 jarige Kaapse Country diva terug met mening!

Chereé, tesame met haar platemaatskappy, Leo Musiek, bring sy ‘n nuwe album wat die klanke van Moderne- en Klassieke-Country tesame met hedendaagse Pop/Rock klanke vermeng. In my drome kan met reg beskryf word as haar beste werk tot dusver. Chereé laat reg geskied aan nie minder as 10 splinternuwe Afrikaanse sowel as Engelse liedjies.

Die produksie van 8 van die liedjies op hierdie abum is behartig deur twee maal Grammy Award wenner, John Lindemann, klankingeneur vir die legendariese Ladysmith Black Mambazo. Hy is bygestaan deur Country legendes Billy Forrest en Bobby Angel wat sonder twyfel die beste uit Chereé se ongelooflike stem gekry het en nuwe lewe geblaas het in treffers soos; “You Needed Me” en die aangegrypende ”Peace Train”. Die ander 8 liedjies is onder produksie van die jong Murry Lubbe opgeneem. Met sy liefde vir Moderne Country musiek slaag hy daarin om die ‘Carrie Underwood’ uit Chereé te kry.

In my drome is ‘n vertoonvenster vir die top leidjieskrywers in SA asook nuwe talent: Tony ridgway is wel bekend as liedjieskrywer vir top Suid Afrikaanse kunstenaars en is ook lid van die welbekende Kaapse Country band Rocking Horse. Op hierdie album is hy verantwoordelik vir die treffer “Tiek Tok”. Pierre Rossouw is ietwat onbekend as liedjieskrywer, maar met 4 liedjies op Chereé se album, insluitend die titlesnit “In My Drome”, bewys hy dat hy geensins hoef terug te staan van ander liedjieskrywers in SA nie. Lize Beekman, bekande kunstenaar en liedjieskrywer, is verantwoordelik vir ‘n Engelse skepping wat verseker oor radiostasies landwyd gehoor gaan word. Finalis in 2009 Huisgenoot Tempo Liedjieskryf Kompetisie, Semandie Gerber, spog met haar skepping “Hier Is My Hart”, ‘n liedjie wat jou tot diep in jou siel sal raak. William Blackrose is verantwoordlik vir die treffer lied , “Droomvrou”, wat Chereé saam met Wynand Strydom sing.

Chereé verras met 3 krag duette op hierdie cd. “Droomvrou”, opgeneem saam met haar verloofde Wynand Strydom en gaan verseker ‘n groot treffer wees aangesien dit geloofwaardig is omdat Chereé en Wynand ook hulle lewe saam as paartjie deel. Die populere alternatiewe kunstenaar, Snotkop, span kragte saam met Chereé om ‘n nuwe vars weergawe van Dolly Parton se “9 to 5” te bring. Chereé en Sarah Theron se weergawe van Anne Murray se klassieke lied , “You Needed Me”, is asemrowend!

Chereé is ‘n welbekende kunstenaar, wat die hele land vol reis, en sodoende haar talent as sanger met die hele Suid Afrika en sy mense deel. Die musiek video van haar titlsnit, In My Drome, is areeds op nasionale tv te sien.

Kyk uit SA – Chereé is hier om te bly!

 

TRACKLIST:

1) IN MY DROME – Pierre Rossouw (c) Leo Musiek

2) TIEK TOK – Tony Ridgway © Samro

3) KAN NIE WEER VAL NIE – Pierre Rossouw (c) Leo Musiek

4) HIER IS MY HART – Semandie Gerber © Samro

5) RONDOMTALIE – Francois Van Rensburg © Franco Publishing

6) MAYBE I – Lize Beekman © Samro

7) KLOP VAN MY HART – Pierre Rossouw © Leo Musiek

8) LOVESTORY – Taylor Swift © Sony/ATV Tree Publishing, Taylor Swift Music (BMI)

9) DROOMVROU (DUET SAAM MET WYNAND STRYDOM) – William Blackrose (c) Leo Musiek

10) 9 T0 5 (FEATURING SNOTKOP) – Palmer, Florrie © Warner / Chappel Music, Inc

11) EK EN JY HOORT SAAM – Murray Lubbe © Samro

12) PEACE TRAIN – Islam Yusaf © EMI Music, Sony / ATV Music Publishing

13) MIS JY MY? – Pierre Rossouw © Leo Musiek

14) YOU NEEDED ME (DUET SAAM MET SARAH THERON) – Goodrum © Warner Music, Inc

15) MY BABY LOVES ME – Stevenson, Moy, Hunter © EMI Pubishing, Sony/ATV
Publishing LLC

16) 30 DAE IN DIE SOMER – Genie / Afr: Kurt Darren © Select Music